Esta versión inscríbese dientro del proyectu que’l productor asturianu Paco Loco vien realizando nos sos estudios d’El Puerto de Santa María xunto al músicu Joaquín Pascual (Surfin Bichos) pa reinterpretar el repertoriu de Víctor Manuel nuna clave más cruda. Baxo una base musical desnuda, onde malapenes un pianu esencial y una atmósfera de guitarres, a cargu de Rubén Bada (L-R), ponen les blimes, socédense les voces de dos pareyes. El cantautor Nacho Vegas y Leticia Baselgas (la otra metá de L-R) encaren la primer metá del cantar, alloñándolu yá nesos primeros versos de la espectacularidá a la que “Asturias” tien avezáu al oyente, pero reafirmando’l calter emocional del himnu. Col versu “quién derribará ese árbol” dan-yos el relevu Marisa Valle Roso y Chus Pedro, que ponen les sos voces, enllenes de tradición y brenga, al serviciu d’unes palabres cuasi mítiques. Los cuatro axúntense nos coros finales, coles percusiones de L-R, y sumen al propiu Víctor Manuel, que dexa, asina, la marca de la so autoría con esta apaición y la del recitáu de los primeros versos, na introducción inicial.

Esta versión inscríbese dientro del proyectu que’l productor asturianu Paco Loco vien realizando nos sos estudios d’El Puerto de Santa María xunto al músicu Joaquín Pascual (Surfin Bichos) pa reinterpretar el repertoriu de Víctor Manuel nuna clave más cruda. Baxo una base musical desnuda, onde malapenes un pianu esencial y una atmósfera de guitarres, a cargu de Rubén Bada (L-R), ponen les blimes, socédense les voces de dos pareyes. El cantautor Nacho Vegas y Leticia Baselgas (la otra metá de L-R) encaren la primer metá del cantar, alloñándolu yá nesos primeros versos de la espectacularidá a la que “Asturias” tien avezáu al oyente, pero reafirmando’l calter emocional del himnu. Col versu “quién derribará ese árbol” dan-yos el relevu Marisa Valle Roso y Chus Pedro, que ponen les sos voces, enllenes de tradición y brenga, al serviciu d’unes palabres cuasi mítiques. Los cuatro axúntense nos coros finales, coles percusiones de L-R, y sumen al propiu Víctor Manuel, que dexa, asina, la marca de la so autoría con esta apaición y la del recitáu de los primeros versos, na introducción inicial.

El diálogu interxeneracional y ente escueles, del indie a la música tradicional, del rock al folk, abraza esta versión nueva, que llega con un videoclip onde se combinen los detalles de les sesiones nel estudiu de Paco Loco con imáxenes espectaculares d’Asturies a vista de dron. El «verde de montes» y «negra de minerales», la «roca firme», la «herida» o el «coraje» del poema tresfórmense en panorámiques del cordal, cantiles de la costa oriental y occidental, carbayeres y fayeos que realcen la épica d’esta «Asturias» imperecedera redescubierta nuna versión nueva.